Handbooks

Home > Publications > Handbooks

Corporate Social Responsibility and Disability (CSR-D)

CSR – D Handbook အတွက် စာညွန်း

မြန်မာနိုင်ငံနားမကြားသူများဖွံ့ဖြိုးတိုးတက်ရေးအဖွဲ့သည် စီးပွားရေးလုပ်ငန်းများ၏ လူမှုတာဝန်ယူမှု အစီအစဉ် Corporate Social Responsible – CSR အစီအစဉ်များတွင် မသန်စွမ်းသူများကို ထည့်သွင်းစဉ်းစားလာစေရေး အတွက် ရည်ရွယ်ကာ Myanmar Center for Responsible Business – MCRB ၏ ပံ့ပိုးကူညီမှုဖြင့် “Foundation ONCE” ၏ မူရင်းလမ်းညွန်ဖြစ်သော “CSR-D Guide Corporate Social Responsibility and Disability” စာအုပ်ကို ဘာသာပြန်ဆိုကာ ဥပဒေပိုင်းဆိုင်ရာအချက်အလက်များ၊ မသန်စွမ်းသူ အရေအတွက် စသည့် အချက်အလက်များကို မြန်မာနိုင်ငံနှင့် လိုက်လျောညီထွေမှုရှိစေရန် ပြင်ဆင်တည်းဖြတ်လျက် ၂၀၁၄ ခုနှစ်၊ သြဂုတ်လ ၂၉ ရက်နေ့တွင် ထုတ်ဝေခဲ့သည်။

ထိုလမ်းညွန်စာအုပ်သည်

  • မသန်စွမ်းသူများအား CSR မူဝါဒများတွင် အကျုံးဝင်စေရန် ထည့်သွင်းနိုင်မည့် လက်တွေ့ နည်းလမ်းများ ကို ကုမ္ပဏီများအား လမ်းညွှန်မျှဝေပေးနိုင်ရန်
  • မသန်စွမ်းသူများအတွက် အလုပ်အကိုင်အခွင့်အလမ်း အဆင့်အတန်းများ မြင့်မားစေရန်နှင့် အရည်အသွေး တိုးတက်စေရန်
  • မသန်စွမ်းသူများသည် စားသုံးသူများလည်းဖြစ်ရာ ၎င်းတို့အသုံးပြုလိုသည့် ကုန်စည်နှင့် ဝန်ဆောင်မှုများ၏ အရည်အသွေး တိုးတက်မြင့်မားရေးကို အထောက်အကူပြုစေရန် ရည်ရွယ်ပါသည်။

Disability Terminology Handbook အတွက် စာညွန်း
မသန်စွမ်းမှုဆိုင်ရာ ဝေါဟာရအသုံးအနှုန်းများ လက်စွဲလမ်းညွန်စာအုပ်ကို လုမှုဝန်ထမ်း၊ ကယ်ဆယ်ရေးနှင့် ပြေန်လညနေရာချထားရေးဝန်ကြီးဌာန၏ လမ်းညွန်မှုဖြင့် မြန်မာနိုင်ငံမသန်စွမ်းသူများ အသင်းချုပ်၊ မြန်မာနိုင်ငံနားမကြားသူများဖွံဖြိုးတိုးတက်ရေးအဖွဲ့ ၊ မသန်စွမ်းအဖွဲ့အစည်းများ၊ မသန်စွမ်းကျောင်းများနှင့် မသန်စွမ်းအရေးဆောင်ရွက်နေကြသော အဖွဲ့အစည်းများ/လူပုဂ္ဂိုလ်များ၏ ပူးပေါင်းပါဝင်မှု USAID နှင့် FHI 360 အဖွဲ့တို့၏ ပံပိုးမှုဖြင့် ရေးသားပြုစုခဲ့ပါသည်။

ဤစာအုပ်တွင် မသန်စွမ်းသူများ၏ အခွင့်အရေးဆိုင်ရာအမျိုးသားကော်မတီဥက္ကဌ နိုင်ငံတော်ဒုတိယသမ္မတ ဦးဟင်နရီဗန်ထီးယူ၏ ဥယျောဇဉ်၊ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး၏ အမှာစကားနှင့် မြန်မာနိုင်ငံမသန်စွမ်းသူများအသင်းချုပ် ယာယီဥက္ကဌ ဦးသိန်းလွင် တို့၏ ကျေးဇူးတင်စကား တို့ကို ထည့်သွင်းဖော်ပြထားပါသည်။

  • ထို့အပြင် မြန်မာနိုင်ငံအတွင်းရှိ မသန်စွမ်းသူများ ၏ အခြေအနေကိုလည်းကောင်း၊
  • မြန်မာနိုင်ငံ မှ အတည်ပြုထားသည့် မသန်စွမ်းမှုဆိုင်ရာဥပဒေ မူဘောင်များနှင့် အတည်ပြုရက်စွဲတို့ကိုလည်းကောင်း၊
  • မသန်စွမ်းသူများဆိုင်ရာ အထိမ်းအမှတ်နေ့များကိုလည်းကောင်း၊
  • မသန်စွမ်းမှု ဆိုင်ရာ ဝေါဟာရအသုံးအနှုန်းများကို မသန်စွမ်းမှုအလိုက် လည်းကောင်း၊
  • ပညာရေး၊ အထောက်အကူပြုပစ္စည်းများ၊ နည်းပညာဆိုင်ရာများနှင့် ပတ်သက်သည့် အသုံးအနှုန်းများကိုလည်းကောင်း၊ မသန်စွမ်းသူများနှင့် ထိတွေ့ဆက်ဆံမည့် မီဒီယာများအတွက် သတိပြုဖွယ်များကိုလည်းကောင်း စုံလင်စွာ ထည့်သွင်းဖော်ပြထားပါသည်။